Full Testimony of Hmun Uk(Chin):

A hma sa bik ah, Bawipa min ka thangthat, hi bantuk tet te khan khawh nak caan tha a ka pek caah.

Ka min cu Hmun Uk asi I Columbus, Ohio lei in a ra mi ka si.

Gout zawtnak in kum 4-5 chung ka rak dam lo I, rian zong tha tthi in ka rak ttuan kho lo.

Rawl Ulh Thla cam nak tlang a um ti hi Sayamah Mengku sin in Kan rak theih caah, kei zong dam duh ah nai kum, August 2021 ah ka rak ra.

Pastor Chong nih Thla a ka cam piak i Bawipa nih ni nga chung rawl na ulh lai a rak ka ti.

Thla ka rak cam mi cu, Ka dam nak caah le, Kan inn chung khar tling tein hi ka tlang cung Kan rat khawh nak le, Kan nih inn chung khar hi daw tein le lawm tein

khua Kan sak tti khawh nak hnga ding caah hin a rak si. Thiang thlarau bawmhnak in Pathian bia Kan phuan mi in si seh,

rawl ulh nakin, Bible rel nak in le, pathian nih bia a ka pek mi te Nawl ngaih nak in, a ka kamh Ning tein Bawipa nih ka gout zawtnak in cun a ka dam ter.

Bawipa a vel le zaangfah nak in a tu cu rian zong ka ttuan kho cang. Bawipa nih van ram nuamh nak hi Kan chung khara Kan tep ter tak tak i lawm

tein a Kan chiah. Le cu tlawng si loin, tu kum cu Kan chung khar tling tein Kan ra kho. Nan caan upat ka duh ca ah tam ka chim lai lo.

Bawipa ka thangtthat, Bawipa cungah Kai lawm. A tu Thlacamnak tlang ah a um mi pawl zong thazaang pek Kan duh mi hna cu,

I lawm ko uh Zei ca tiah cun Hawipa nih hin nan Thla cam nak an leh hrim hrim hna lai ti hi ka zumh. Cu caah Bawipa cungah ah i lawm ko uh.